Boren 1953 in Celle/Neddersassen, bün ik op't Land op'n Buernhoff groot worrn. Un dorüm wörr to Huus platt snackt, wobi uns as jüngste Kinner de Ehr todeel wörr, geel to snacken - seker wiel uns Öllern dachen, dat wi dat in't Berufsleven eenfacher hebben schulln.

Dörch de Schützenfeste jedet Johr un de Kapellen, de dor spelen, wull ik ok geern en Instrument lehrn. Un so keem ik an dat Akkordeon, dat mi in en harte School von Erich Bläsing bipuult wörr. Ut disse Tiet stammt mien "Hassleev" to Strauss un annere Operettenkomponisten, de mi in mien later Leven jümmer wedder inhaalt hebbt. Ik müch keen Beatles und keen Stones ..... ik harr Schlager un Blasmusik geern. üüt bün ik mei för all Stilrichten open.  

So keem ik in'n Posaunenchor an de Trumpeet. Man ik heff nich noog öövt un so dat Spelen nich ornlich lehrt (mi bleev de Luft na dree Leder weg..).
De eerste Optritt vör Lüüd harr ik tosamen mit mien Tweeschenbroder Klaus (Schlagtüüch) as Duo bi en Kameradschaftsavend vun de Füerwehr 1967. Vun dor an güng dat pielliek bargan. Na en Gastoptritt mit de Band "Kreuz As" bi en Schoolafslussball anhüürt bi de niege Danzcombo "Amigos" (dor weer ik 15 Johr oolt). Ostern 1969 hebbt se mi denn an en GEM Combo-Orgel sett un sietdem speel ik ok "horizontal".
1970 hett mi de Pop-Coverband "Piccadilly", de in't Zonengrenzbezirk to Huus weer, afworven. 1972 wörr ik Keyboarder bi de "Barkings". 1976 heff ik en korte Tiet bi de Band "Masterbates" Musik vun Genesis, Procul Harum usw. speelt. As ik mi för mien Beruf in Braunschwieg wiederbilden müss, heff ik af un an as Kneipen-Pianist speelt un kunn so mien Spaaß an Jazz-Variationen utleven. Siet 1977 wahn un arbeit ik in Rellingen.
An't Enn vun de söventiger Johrn keem ik to mien erste Hamborger Band "Mixed Up", 1984 Wessel to "Live" (mit egen Funk-Pop-Songs). Vun 1998 bet 2000 in de Oldie-Band "Back Again" ut Elmshorn. 2001 denn Proben mit de Countryband "Rodeo". In de 90er Johrn musikalisch Liddmaat vun en Segel-Crew un somit torüch to dat Schipperklaveer. Wat fehlt noch in mien musikalischet Leven? Folklore! Bi de "Liekedeler" funn ik in Oktober 2002 en niege Heimat als Akkordeonspeler un kann dor mien "Kinner-Platt" nu ok wedder goot bruken. Ik bün verboost, wo fien un doch vull Knööv handmaakt Musik in en "Unplugged"-Band ween kann.

e-mail: Gert(at)liekedeler-online.de