Swinging Wiehnacht - www.liekedeler.com
.

Swinging Wiehnacht

Nach oben

 

Wiehnacht is nich wiet

 

 

Aufgenommen am 15. Dezember 2011

live in der Rellinger Kirche

Produktion: Liekedeler

 

 

 

 

 

 

Titel

  1. Rüm as nix
  2. Novemberdag
  3. Navi
  4. Koole Fööt
  5. Dessous-Party
  6. Hüftgold
  7. Schohtick
  8. Wiehnachtsmann-Swing
  9. Erziehungsratgeber
  10. De echte Wiehnachtsmann
  11. Trolledanz
  12. Vun'n Wiehnachtsmann
  13. Geschenke
  14. Wiehnacht is nich wiet
  15. Dannboom-Söker-Blues
  16. Sledenfohrt
  17. Op'n letzten Drücker
  18. Geschenkekist
  19. Fröhliche Wiehnacht öwerall
  20. Lütt David
  21. Een lütte Stern
  22. Dat Evangelium na Markus
  23. Engel singen
  24. De Tiet is dor

Rüm as nix

Text: Bert C. Biehl, Musik: trad.

 

So mennigmal, wenn ik op den Kalenner kiek
denn denk ik mi: Wo kann denn dat angohn
harrn wi nich jüst noch eg’ntlich een ganz anner Tiet
so’n Johr geiht rüm as nix, dor kannst du nix bi doon

Dat Osterfüür is noch nich ganz vergeten
dor steiht al lang de Sommer vör de Döör
wann is’t werr Wiehnacht, wüllt de Kinner weten
so’n Johr geiht rüm as nix, un du kiekst achterher.

Föhlt sik dat blots so an, wiel ik al öller bün?
Or hett ok Tiet, as Geld, een Inflatschoon?
All poor Minuten sleit de Klock een niege Stünn
so’n Johr geiht rüm as nix, dor kannst du nix bi doon.

Harrn wi nich fröher een kommodig Leven?
Harrn wi nich fröher alltohoop mehr Tiet?
Dat Leven hett sien Bremspedol afgeven
so’n Johr geiht rüm as nix – un bald is’t werr sowiet.

so’n Johr geiht rüm as nix – un bald is’t werr sowiet.

Novemberdag

Text und Musik.: Bert Biehl

 

Novemberdag - een griese Winterheben
verhangt mit siene Düsternis de Sünn.

Verweiht, verregn’t vör miene Dör dat Leven,
un ik frei mi, dat ik bi di an’t warme Füer bün.
Mit hochslaan Mantelkragens ielt de Lüüd vundannen,
‘keen hett Lust, sik op de Straat to ünnerholl’n?
Petrus deiht Swoorarbeit un gütt ut vulle Kannen -
wokeen hüüt lang noog buten blifft,
mutt bald mit Hoosten, Schnööf un Gripp betal’n.

Vun’t Finster geiht mien Blick öwer de Wischen
un Feller, wo all lang keen Korn mehr steiht.
Jüst güstern weern wi mittenmang dortwüschen.
Verleevt rümjachternd harrn wi dor mennig een Halm ümmeiht.
Un weer’t nich güstern, un wi seten noch tosomen -
bi Most un Zippelkoken, harvstbunt weer de Gaarn,
un hüüt föhl ik een gräsig kole Tied weerkamen,
de Winterslaap will losgahn, de Farven sünd för lange Tied verlor’n.

De Regen froor, un fallt Snee op de Straaten.
Mi schuddert un ik krüpp torüch to di.
De Leev warmt as dat Füer unse Harten
un Seelen op - so geiht de küllste Winter gau vörbi.
Förwiß - wat best is an de köllern Johrestieden:
wi lehrt veel över unse Stüttigkeit.
Denn Siet an Siet een strengen Winter to bestrieden
tellt mehr för uns as jeedeen Swüür
vun Tru bet in alle Ewigkeit.

Navi

Petra Wede vertellt

Koole Fööt

Petra Wede vertellt

Dessous-Party

Petra Wede vertellt

Hüftgold

Text: Isving Janssen, Musik: Jörn P. Schröder

 

Dat mokt mi grot, dat mokt mi schön, in’n Winter warmt dat mi.
Un in de Bahn dor drängt sik nüms achtlos an mi vörbi.
Dat makt, dat Kleder lütter warrn, un Dören, de warrn smaal
De Treppen und de Weg warrn lang, doch dat is mi egal.

Hüftgold, Hüftgold
Dat deihst Du düer betahl’n
Doch wenn Du mol in Urlaub föhrst
Brukst’ dat nich to vertoll’n.

Dor stickt ’n Masse Arbeit binn’n, Erfohrung veeler Johrn
Um düsse Form so hentokriegen, dat weer mi bannig swoor.
In anner Länner bün ik so en Schönheitsideal,
Denn in anner Länner gellt: Blots arme Lüüd sünd smaal.

Dat makt mi wichtig, makt mi groot – doch een Saak stört mi sehr:
Ik heff na jedet Wiehnachtsfest en lüttet beten mehr!
Ik wull doran wat ännern – un bün na’n Dokter gahn.
De meen: „Dat warrd wat düer, dor mööt Se mi verstahn!“
Dor wull ik nix mehr ännern. Ganz flink na Huus leep ik.
Ik warr ju mal wat seggen: „Ik bliev lever riek un dick!“

Schoh - Tick

Petra Wede vertellt

Wiehnachtsmann - Swing

Text: Gert Drögemüller/Johanna Kastendieck, Musik: Gert Drögemüller

 

Ik kenn een Mann siet lange Johrn,
De hett to Wiehnacht veel to doon.
Vörher, elf Maanden, bet November,
Kann he sik mehrstiets denn utrohn.
Jedeen Dezember is’t sowiet,
Denn kümmt de Kinners schönste Tiet.
Den Mann, den kennt se all tosam’n,
Dat is de gode Wiehnachtsmann.

Wiehnachtsmann denkt jümmer an de lütten Lüüd,
Un bringt bestimmt dat Richtige vörbi.
He hett nich een Minut, üm sik mal uttoroh’n,
Denn he mutt de ganze Welt bedenen.

As wi noch lütt weern, dor weer’t schöön,
Geev jedeen Winter Snee to sehn.
De Wiehnachtsmann harr’t heel kommod,
Mit so veel Snee weer’t Reisen schöön.
För uns geev dat nich veel to’n Wünschen,
Un so güng dat de mehrsten Minschen.
Dat Geld weer knapp, de Wünsche lütt;
Vertell dat mal de Kinner hüüt!

Hüüt is dat anners, Wohlstand groot,
Kuum een geiht slecht, wi hefft keen Not.
Massig Geschenke mutt dat geven,
In uns‘ so hochmodernet Leven.
De niegste Technik mutt dat ween,
Anners sünd wi nich mehr tofred’n.
Doch een Problem hett Wiehnachtsmann,
Wo schafft he dat blots allens ran?

Wiehnachtsmann denkt jümmer an de lütten Lüüd,
Un bringt bestimmt dat Richtige vörbi.
He hett nich een Minut, üm sik mal uttoroh’n,
Denn he mutt de ganze Welt bedenen.
Wiehnachtsmann, dien Sleden is ja veel to lütt,
Üm den ganzen Krimskrams to verdelen.
Musst vun’n Sleden woll op’n Lkw ümstiegen,
Anners warrst dat nich verdeelt kriegen.

Erziehungsratgeber

Petra Wede vertellt

De echte Wiehnachtsmann

Petra Wede vertellt

Trolledanz

Musik: Bert C. Biehl

(Instrumental)

Vun'n Wiehnachtsmann

Petra Wede vertellt

Geschenke

Text: Johanna Kastendieck, Musik: Jörn P. Schröder

Ik much so geern mal Niklaas ween
un much jeedeen wat schenken.
Wat heel Besünners mutt dat ween,
ik warr mi wat utdenken.

Geev di keen Möög, kannst mi nich sehn,
Niklaas is liekers bi di ween,
He bröch so liesen as en Muus
Een Sack vull Freid bi di in’t Huus.

För di heff ik fief lütte Steerns,
Twee Harten ut Papeer.
Lüchten un funkeln as Lateerns
mit Licht ut wiede Feern.

Ik bring för di en Lachen mit
un ok een Dag vull Tiet.
Een ganzen Barg vun leve Wöör
legg ik för diene Döör.

Ik bring twee Arms to’n Kuscheln mit
De bring’n di Warms un Freden.
Wenn ik mit di an’t Füer sitt,
Is dat en Tiet to’n beden.

Wiehnacht is nich wiet

Text: Johanna Kastendieck, Musik: Gert Drögemüller

 

Witt vun Snee sünd all de Wischen,
Sünnstrahlen blenkern hell dortwischen.
Ünner’t Ies roh‘n Beek un Seen,
So en Winterdag is schöön.
Kiek mal, wo de Flocken drieven,
weiht as Schleier vör uns Schieven.
Kumm, wi danzen mit jem mit.
Wiehnacht is nich wiet.

Wiehnacht, Wiehnacht, is nich mehr wiet,
klingt dat froh in disse Tiet
Wiehnacht, Wiehnacht is nich wiet,

Wiehnacht, Wiehnacht, is nich mehr wiet
klingt dat froh in disse Tiet,
denn Wiehnacht is nich wiet

Üm Klock veer warrt dat al duster,
Kinner sitten still un lustern,
denn se höör’n en hell Gebimmel,
Christkind kümmt mit Schled’n un Schimmel.
Dör de Luft dor geiht en Klingen
Kinner höört man Leder singen.
Uns lütte Stadt liggt as in’n Droom,
de Lichter brenn’n an’n Boom.

Dannboom-Söker-Blues

Text & Musik: Biehl / Biehl

 

Jo, de een is to lütt un de anner to groot
Wenn ik Dannbööm utsöök, heff ik mien Noot
Ik heff den Dannboom- , Dannboom-Söker-Blues, ahaha
Ik heff den Di-Da-Dannboom-Söker-Blues.

Hör mal to, seggt mien Frau, dat is Wiehnachtstiet
Gaht wi nu nich los, kriegt wi blots noch Schiet
Ik heff den Dannboom- , Dannboom-Söker-Blues, ahaha
Ik heff den Di-Da-Dannboom-Söker-Blues.

Mien Frau, de will nich jichenseen
Nadeln schall he hebb’n un gröön mutt he ween
Ik heff den Dannboom- , Dannboom-Söker-Blues, ahaha
Ik heff den Di-Da-Dannboom-Söker-Blues.

Also her mit dat Biel un rin in’n Wohld
Dat is stickendüster un aasig koolt
Ik heff den Dannboom- , Dannboom-Söker-Blues, ahaha
Ik heff den Di-Da-Dannboom-Söker-Blues.

In’n Wohld, dor hackt al dusend Lüüd
Un all passt se op, dat de Förster em nich süht
Ik heff den Dannboom- , Dannboom-Söker-Blues, ahaha
Ik heff den Di-Da-Dannboom-Söker-Blues.

Jo, de een is to lütt un de anner to groot
Nu hebbt wi een tohuus, man he passt nich op’n Foot
Ik heff den Dannboom- , Dannboom-Söker-Blues, ahaha
Ik heff den Di-Da-Dannboom-Söker-Blues.

Sledenfohrt

T.: Bert C.Biehl / M.: trad.

 

Sledenfohrt, Sledenfohrt, Sledenfohrt in'n Snee.
Wat 'n Spoß, nu geiht' los över de Chaussee.
Sledenfohrt, Sledenfohrt, dor will jedeen mit.
Wat is dat för een Pläseer in de kole Wintertiet.

Treck an di warme Tüüch.
Een letzte Blick torüch.
Denn geiht dat op uns Fohrt
Över't Land von Ort to Ort.
Dor juchen unse Göörn.
De Hoofslag vun de Peer,
Dat Bimmeln von de lütte Klock
Is wiethen al to hörn.

Sledenfohrt, Sledenfohrt, Sledenfohrt in Snee
Wat 'n Spoß, nu geiht' los över de Chaussee
Sledenfohrt, Sledenfohrt, Sledenfohrt is scheun
In de witte Wunnerwelt dor gifft't so veel to sehn.

Vun baben schient de Sünn,
So fohrt wi Stünn um Stünn.
De Lüüd, de winkt uns to;BR> Unse Fohrt, de makt jem froh.
Dat gifft't nich jedeen Johr,
De Tieden sünd vörbi.
Dorüm is so een Sledenfohrt
Ok een beten Nostalgie.

Sledenfohrt, Sledenfohrt, Sledenfohrt in'n Snee
Wat 'n Spoß, nu geiht' los över de Chaussee
Sledenfohrt, Sledenfohrt, dor will jedeen mit
Wat is dat för een Pläseer in de kole Wintertiet.
Wat is dat för een Pläseer ----- Sledenfohrt in'n Snee

Op'n letzten Drücker

Petra Wede vertellt

Geschenkekist

Petra Wede vertellt

Fröhliche Wiehnacht öwerall

Text & Musik: Biehl / Biehl

Wat all de Johrn nich henhaut harr, dat schall em ditmol glücken.
Dit Johr will he de erste sien, dor warrn de annern kieken!
So lang al harr he allens plant un dreemol överdacht.
Nu staht vör em dree LKW mit de geheeme Fracht.
Kuum hett de Sünn de ersten Strahlen op de Eer dalschickt,
hett he sien Ladenfinster al mit Lebkuchen bestückt.
Dorto noch Spekulatius, un allens frisch un fien.
Denn lött Hans B. vun'n "Waldi-Markt" de ersten Kunden in.

Un de kamt ok bald in grote Tall
Fröhliche Wiehnacht överall.

Dat all'ns markt ok de Baas vun "Schmusikowsky", dat's Herr Lutz O.
De wohrschuut stantepe sien Mackers vun de IG FuZo.
Klock teihn ward as "Sofortmaßnahme" Dannengröön utgeven,
Elektrolücht un Engels, de al lang op Insatz töven.

Güntsiet bi "Minus" treckt Jan F., de Chef, een scheevet Muul:
He dach, he harr noch Marzipan vun'n vörleden Johr, man dor seet een Uhl.
He langt na't rode Telefon, ropt de Konzern-Zentrale
un fraagt üm Ünnerstützung an, wenn't geiht, de maximale.

"Wi schickt ju Hölp op jeden Fall" -
Fröhliche Wiehnacht överall.

Klock een posteert sik in de FuZo neg'ntig Wiehnachtsmänner,
bestellt vun de "Kandidl-Markt", mit'n groten Teepunschbrenner.
Se hebbt Befehl, jedeen Passant een Beker optodwingen.
De könt vun dat, wat denn passert, noch lang een Leed sik singen:

* Bi "Magnat" kamt fiefuntwintig Kunden in Not,
wiel se nich mehr ut een Plastikdann'boom-Wohld rutfinnen doot.

* Een Rentierschleden mit een "Schmusikowsky"-Banderool,
geiht dörch un suust denn achterna de FuZo op un daal,

* neiht över dree Sternsingers mit Gitarr un Fiedel,
de jüst an't Singen weern: "Frohe Wiehnacht mit 'Kandidl'".

* Klock dree kriegt de Baas vun "Minus" een Infarkt,
wiel "Waldis" Kunstschnee-Kanoon op siene Tofohrt parkt.

* Un de geiht denn ok noch los - mit een groten Knall:
Fröhliche Wiehnacht överall!

Klock negen liggt de halve Stadt to Bett mit'n Teepunschglimmer,
blots nich de Jungs vun'n THW, de Kunstschnee schippt noch jümmer.
De mehrstündige Stromutfall is ok al werr vergeten.
Een Öwerlast dörch Dann'boomlücht - wokeen kunn dat denn weten?

Un 'keen noch kieken kann, de kiekt in't Kino wat mit "Action":
een Film mit Arnold Niederegger: De "Jingle-Bells-Connection".
Un ik sitt in mien Stuuv, mit Spekulatius in de Hand.
Man dat dor wat nich stimmen kann, dat seggt mi de Verstand

Ik kiek op mien Kalenner, un ik heff dat doch wusst:
hüüt is Middeweken - de erste August...

Fröhliche Wiehnacht överall!

Lütt David

Petra Wede vertellt

Een lütte Stern

Text: Johanna Kastendieck, Musik: Bert C. Biehl, Jörn P. Schröder

 

Een lütte Stern, de schient so hell
för alle Lüüd op disse Welt.

Schient hell in alle Harten rin,
wiest uns den Weg na Wiehnachten hin.

Is noch so lütt, doch schient all so warm
bringt so veel Leevde för riek un för arm.

He gifft de Minschen Kraft un Moot,
helpt so mennigeen in sien Not.

Dat Licht un Hopen kümmt vun baben,
lücht ok för di an Wiehnachtenabend.

Hell strahlt sien Licht över Stadt un Land;
he höllt de ganze Welt in sien Hand.

Dat Evangelium na Markus

Petra Wede vertellt

Engel singen

Musik: trad. Text: Johanna Kastendieck

 

Klingen wiet dat Feld henlang.
Vun de Bargen schallt dat wedder
Heben is vull Loffgesang.

Gloria in excelsis deo
Gloria in excelsis deo.

Harders hebbt dat ok vernahmen
Dat de Herr uns ’boren is.
Gottes Söhn is to uns kamen,
In de Krüff liggt Jesus Christ.

Gloria in excelsis deo
Gloria in excelsis deo.

Laat na Bethlehem uns wannern
Stimmt nu mit de Engels in.
Laat uns beden mit eenanner
Freden schall op Eerden sien.

De Tiet is dor

Text & Musik: Bert Biehl

 

De Tiet is dor, nu gahn de Lichter ut
Un uns blifft blots noch, Dank to seggen
Wi mööt nu gahn, de Weg liggt klor vörut
Speellüüd mööt jümmer wiedertrecken

Dat wi bi jem Quarteer hebbt funn’n
För een poor korte Stünnen
Schall nümmers nich vergeten sein
Wi keem’n un gaht as Frünnen

Dat Speel is ut, de letzte Ton verklung’n
Wi packt uns‘ Plünnkram nu tosomen
Man unser letztet Leed hebbt wi noch lang nich sung’n
Villicht dröfft wi mol wedderkamen

In eene düstre, kole Tiet
För jem een Licht to bringen
Pläseerlichet, Besinnlichet
To vertelln un ok to singen....



Autor: root -- 27.02.2014; 11:06:52 Uhr

Dieser Artikel wurde bereits 3615 mal angesehen.



.